Mynyddoedd Blackstairs

Mae Mynyddoedd Blackstairs yn codi’n drawiadol o diroedd isel de-ddwyrain yr Iwerddon. O gopaon yr ucheldiroedd hyn cewch fwynhau golygfeydd mwyaf ysblennydd i bob cyfeiriad. Tua’r gorllewin fe welwch eangderau canolbarth Iwerddon yn estyn o’ch blaen, a thua’r dwyrain cewch edrych draw at Wexford a Môr Iwerddon. Mae dylanwad oesoedd iâ y gorffennol yn amlwg yn y mynyddoedd hyn, yn enwedig yn y talpiau creigiog sy’n brigo i’r wyneb fel dyrnau ar hyd y copaon. Mae cynefinoedd gwerthfawr yn cynnal amrywiaeth hynod o blanhigion ac anifeiliaid, ac mae’r ardal yn llawn olion archaeolegol o ganlyniad i hanes hir o anheddu. Mae cerddoriaeth ac adrodd straeon yn rhan o draddodiad cyfoethog a byw o fewn y cymunedau gwahanol o gylch Mynyddoedd y Blackstairs.