Mynyddoedd Cambria

Mae Mynyddoedd Cambria ymhlith yr ardaloedd mwyaf anghysbell yn Ewrop ac yn y nos mae’r awyr dywyll yn cynnig cyfle perffaith i syllu ar y sêr. Mae'r ardal hon yn llawn tirffurfiau godidog a ffurfiwyd gan rewlifoedd y gorffennol ac afonydd y presennol. Mae’n gartref i blanhigion ac anifeiliaid diddorol iawn, ac o ganlyniad i’r hanes dynol hir sy’n perthyn i’r ardal mae yma archaeoleg gyfoethog, diwylliannau amrywiol a ffyrdd gwahanol o fyw.