Mynyddoedd Wicklow

Naddwyd tirwedd Mynyddoedd Wicklow gan rewlifoedd y gorffennol pell. Mae’n ardal drawiadol iawn sy’n cwmpasu ucheldiroedd diarffordd a dyffrynnoedd coediog cyfoethog. Oherwydd yr amrywiaeth o dirffurfiau a chynefinoedd mae’r ardal yn cael ei hadnabod weithiau fel ‘Gardd Iwerddon’. Mae yma gyfoeth o blanhigion ac anifeiliaid, yn cynnwys ambell rywogaeth sydd newydd ddychwelyd ar ôl bod yn absennol ers amser maith. Mae’r ardal hon hefyd yn cynnwys bryngaerau syfrdanol, adfeilion abatai, gweddillion diwydiant mwyngloddio a hanes hir o wrthryfela. O gylch y mynyddoedd daw treftadaeth y gorffennol a bywyd modern ynghyd yn y trefi a’r pentrefi bychain sy’n cynnal cymunedau bywiog, difyr ac amrywiol.